انهارده كان فيه دعوة للتدوين و التغريد ضد التحرش الجنسى و التعصب الجندرى (الكلمة اللى انا قعدت كتير قوى علشان اعرف اقراها و بصعوبة فهمت فى الاخر انها جاية من كلمة جندر بالا نجليش ) :)
المهم انا من امبارح مقررة انى اشارك فى اليوم ده و فعلا عمالة اغرد من الصبح او بالاصح من امبارح بالليل و بالرغم من انى لاقيت حاجات كتير اغرد بيها الا انى قعدة دلوقتى معنديش اى فكرة ابدأ منين ولا اكتب ايه
خالينا نبتدى من الاول خالص , نبتدى بالاساسيات ,خلينى اسأل يعنى ايه تحرش جنسى ؟؟؟ هل هو مختذل فى التعرض الجسدى الفعلى للبنت ؟؟ و لا النظرة و الكلمة كمان ممكن تعتبر تحرش ؟؟ طبيعى الاراء تختلف بس انا بقى شخصيا فى رأى المتواضع ان اى حاجة ممكن تؤذى البنت او تحسسها بالدونية لازم تتحط تحت بند التحرش .
طيب نسأل السؤال التانى . المتحرش ده بيعمل كده ليه ؟؟؟ من متابعتى للتغريدات بتاعت الزملا المغردين كانت اسبابهم كالتالى :
1. ناس ارجعت السبب للقهر و الفقر و الذل و القمع (هنسميهم فريق 678 و دول ال18 يوم بتوع التحرير بيأيدوا كلامهم)
2. ناس قالت البنات هى السبب (و دول أكيد من جنس الرجال و فيه ناس كتير هاجمتهم و انا واحدة منهم)
3. فريق قال مفيش قوانين رادعة
4. فريق من زمان قوى بيقول ان الفضائيات هى السبب لانها خلت الشهوة الجنسية عند الرجال زايدة حبيتين تلاتة
5. و طبعا فيه ناس قالت انحدار مستوى الاخلاق
6. و من عندى انا , علشان البنات بتسكت على حقها و بتخجل انها تتتكلم و تدافع عن نفسها
هتسألونى هو انا بشخع فريق رقم كام هارد ببساطة و اقول انا مع كله ماعدا رقم 2 طبعا
طب عرفنا الاسباب , فين الحل بقى ؟؟ هنقول الحلول واحدة واحدة ردا على كل سبب
1. لما الناس الغلبانة المقهورة و مقموعة يقدروا يفتحوا بقهم و يشكوا من اللى واجعهم و احنا نسمعلهم و تلاقيلهم حلول ساعتها مش هيحسوا بالضعف و بالتالى هيبطلوا يدوروا على ضحية يمارسوا عليها القمع و القهر اللى هما حاسيين بيه. لما الراجل يحس انه قادر يكفى بيته هيحس انه مش محتاج يثبت رجولته عن طريق التحرش
2. الناس اللى بتقول العيب على البنت دول بقى لازم مخهم يتفرمت و ننزلهم الويندوز من الاول خالص. علشان يحصل ده بقى لازم يبقى فيه حملات توعية على مستويات كتير قوى لا يتسع المجال لذكرها هنا
الناس دى لازم تفهم ان البنت حتى لو ماشية من غير هدوم فى الشارع مالهموش الحق برضه فى التحرش (عافية بقى), انا من حقى امشى أمنة فى اى حتة و انت اللى المفروض تتحكم فى غرايزك الحيوانية (ايوة حيوانية لان لو انت مش عارف تتحكم فيها يبقى ماتستحقش مصطلح انسان) .
الحزب بقى بتاع قال الله و قال الرسول اللى بيقول ربنا امر البنت بالحجاب لولا انى بنت محترمة كنت رديت عليه رد قبيح . اولا زى ما ربنا امرنى بالحجاب امرك انت كمان بغض البصر و قالك النظرة الاولى ليك و التانية عليك. ثانيا انت مش ربنا علشان تحاسبنى على شعرى ولا حجابى - ما انا نسيت اقول ان حتى المحجبة بتتاعكس بحجة ان لبسها مش لبس حجاب يبقى هى اكيد لابساه علشان شعرها مش حلو او علشان تدارى على حاجة تانية - ثالثا كونى بشعرى او لبسى ضيق ده مايمنعش ان ربنا هيعقبك على تحرشك بيا
للتلخيص ياريت بقى نلحق الاجيال الجديدة و نوعيهم فى المدارس و نفهمهم الدين صح , كده نبقى وفرنا على نفسنا حاجات كتير قوى
3. القوانين الرادعة اتشرعت بعد الثورة و بتوصل عقوبتها لاعدام المهم انها تتفعل و لو مكانتش لسه دورنا نضغط علشان تتفعل
4. زيها زى رقم 2
5. 2 برضه خصوصا حتة المدارس
6. لازم البنات متسكتش على حقها , لازم يتكلموا و يدافعوا عن نفسهم و يطالبوا بحقهم فى معاقبة الجانى و لازم كل راجل يشجع النساء فى حياته انهم يتكلموا و مايخليهومش يحسوا انهم جابوله العار , و لو واحد شاف فى الشارع واحدة بيحصلها كده لازم يساعدها و يدافع عنها و يشجعها تبلغ.
كده ابقى انا قلت اللى عندى و وضحت راى ، انت كمان قول رأيك و راى على رأى هنقدر نحل المشكلة . ما تتجاهلش المشكلة و تقول فيه حاجات تانية اهم لان انت لو ركزت فى الحلول المقترحة هتلاقى انها هتحل مشاكل تانية كتير فى الطريق , حاجات انت شايفها مهمة
اخر حاجة بقى , انا ليه سميت التدوينة كده , علشان فعلا انا و انت زى بعض , انا انسان و انت انسان بس ربنا خلق تكوينا البيولوجى مختلف و ده ما ينتقصش منى اى حاجة. و زى ما انت كنت ضد التحرش (اللى كنتوا بتسموه تعذيب) فى سجن ابو غريب بالعراق و امن الدولة هنا فى مصر خليك كمان ضد التحرش و اتحرك . خلينا كلنا نبقى ايجابيين , خلينا نفكر سوا , خلينا فاكرين :
اشوفكم على خير ، التدوينة الجاية عن التعصب الجندرى :)
المهم انا من امبارح مقررة انى اشارك فى اليوم ده و فعلا عمالة اغرد من الصبح او بالاصح من امبارح بالليل و بالرغم من انى لاقيت حاجات كتير اغرد بيها الا انى قعدة دلوقتى معنديش اى فكرة ابدأ منين ولا اكتب ايه
خالينا نبتدى من الاول خالص , نبتدى بالاساسيات ,خلينى اسأل يعنى ايه تحرش جنسى ؟؟؟ هل هو مختذل فى التعرض الجسدى الفعلى للبنت ؟؟ و لا النظرة و الكلمة كمان ممكن تعتبر تحرش ؟؟ طبيعى الاراء تختلف بس انا بقى شخصيا فى رأى المتواضع ان اى حاجة ممكن تؤذى البنت او تحسسها بالدونية لازم تتحط تحت بند التحرش .
طيب نسأل السؤال التانى . المتحرش ده بيعمل كده ليه ؟؟؟ من متابعتى للتغريدات بتاعت الزملا المغردين كانت اسبابهم كالتالى :
1. ناس ارجعت السبب للقهر و الفقر و الذل و القمع (هنسميهم فريق 678 و دول ال18 يوم بتوع التحرير بيأيدوا كلامهم)
2. ناس قالت البنات هى السبب (و دول أكيد من جنس الرجال و فيه ناس كتير هاجمتهم و انا واحدة منهم)
3. فريق قال مفيش قوانين رادعة
4. فريق من زمان قوى بيقول ان الفضائيات هى السبب لانها خلت الشهوة الجنسية عند الرجال زايدة حبيتين تلاتة
5. و طبعا فيه ناس قالت انحدار مستوى الاخلاق
6. و من عندى انا , علشان البنات بتسكت على حقها و بتخجل انها تتتكلم و تدافع عن نفسها
هتسألونى هو انا بشخع فريق رقم كام هارد ببساطة و اقول انا مع كله ماعدا رقم 2 طبعا
طب عرفنا الاسباب , فين الحل بقى ؟؟ هنقول الحلول واحدة واحدة ردا على كل سبب
1. لما الناس الغلبانة المقهورة و مقموعة يقدروا يفتحوا بقهم و يشكوا من اللى واجعهم و احنا نسمعلهم و تلاقيلهم حلول ساعتها مش هيحسوا بالضعف و بالتالى هيبطلوا يدوروا على ضحية يمارسوا عليها القمع و القهر اللى هما حاسيين بيه. لما الراجل يحس انه قادر يكفى بيته هيحس انه مش محتاج يثبت رجولته عن طريق التحرش
2. الناس اللى بتقول العيب على البنت دول بقى لازم مخهم يتفرمت و ننزلهم الويندوز من الاول خالص. علشان يحصل ده بقى لازم يبقى فيه حملات توعية على مستويات كتير قوى لا يتسع المجال لذكرها هنا
الناس دى لازم تفهم ان البنت حتى لو ماشية من غير هدوم فى الشارع مالهموش الحق برضه فى التحرش (عافية بقى), انا من حقى امشى أمنة فى اى حتة و انت اللى المفروض تتحكم فى غرايزك الحيوانية (ايوة حيوانية لان لو انت مش عارف تتحكم فيها يبقى ماتستحقش مصطلح انسان) .
الحزب بقى بتاع قال الله و قال الرسول اللى بيقول ربنا امر البنت بالحجاب لولا انى بنت محترمة كنت رديت عليه رد قبيح . اولا زى ما ربنا امرنى بالحجاب امرك انت كمان بغض البصر و قالك النظرة الاولى ليك و التانية عليك. ثانيا انت مش ربنا علشان تحاسبنى على شعرى ولا حجابى - ما انا نسيت اقول ان حتى المحجبة بتتاعكس بحجة ان لبسها مش لبس حجاب يبقى هى اكيد لابساه علشان شعرها مش حلو او علشان تدارى على حاجة تانية - ثالثا كونى بشعرى او لبسى ضيق ده مايمنعش ان ربنا هيعقبك على تحرشك بيا
للتلخيص ياريت بقى نلحق الاجيال الجديدة و نوعيهم فى المدارس و نفهمهم الدين صح , كده نبقى وفرنا على نفسنا حاجات كتير قوى
3. القوانين الرادعة اتشرعت بعد الثورة و بتوصل عقوبتها لاعدام المهم انها تتفعل و لو مكانتش لسه دورنا نضغط علشان تتفعل
4. زيها زى رقم 2
5. 2 برضه خصوصا حتة المدارس
6. لازم البنات متسكتش على حقها , لازم يتكلموا و يدافعوا عن نفسهم و يطالبوا بحقهم فى معاقبة الجانى و لازم كل راجل يشجع النساء فى حياته انهم يتكلموا و مايخليهومش يحسوا انهم جابوله العار , و لو واحد شاف فى الشارع واحدة بيحصلها كده لازم يساعدها و يدافع عنها و يشجعها تبلغ.
كده ابقى انا قلت اللى عندى و وضحت راى ، انت كمان قول رأيك و راى على رأى هنقدر نحل المشكلة . ما تتجاهلش المشكلة و تقول فيه حاجات تانية اهم لان انت لو ركزت فى الحلول المقترحة هتلاقى انها هتحل مشاكل تانية كتير فى الطريق , حاجات انت شايفها مهمة
اخر حاجة بقى , انا ليه سميت التدوينة كده , علشان فعلا انا و انت زى بعض , انا انسان و انت انسان بس ربنا خلق تكوينا البيولوجى مختلف و ده ما ينتقصش منى اى حاجة. و زى ما انت كنت ضد التحرش (اللى كنتوا بتسموه تعذيب) فى سجن ابو غريب بالعراق و امن الدولة هنا فى مصر خليك كمان ضد التحرش و اتحرك . خلينا كلنا نبقى ايجابيين , خلينا نفكر سوا , خلينا فاكرين :
انما الامم الاخلاق ما بقيت فان هم ذهبت اخلاقهم ذهبوا
